Juliana Dodaj e cila u bë e njohur në “Big Brother 7” më në fund ka dalë hapur me të dashurin e saj të ri, këngëtarin Ergys Shahu. Pas shumë muajsh që Xhuli vendosi ta mbante të fshehtë partnerin, tani që lidhja mes tyre është konsoliduar, ajo ka nisur të postojë foto në rrjetet sociale duke darkuar apo duke shijuar jetën e natës me të. “Sikur të ishin të gjithë njerëzit kështu, bota do të ishte ndryshe”, shënon ajo krahas fotove me Ergysin. Burime pranë çiftit kanë thënë për “Panorama” se ata janë takur në lokalet e natës ku Shahu këndon ‘live’. Në fillim argëtoheshin bashkë derisa papritur krijuan një lidhje të bukur. Xhuli e konsideron këtë lidhje shumë të fortë, dhe me plane për të ardhmen. “Ai më ka bërë optimiste jo vetëm në dashuri, por në përgjithësi për jetën. Nuk ndihem thjesht e plotësuar, por super e plotësuar. Tek ai kam gjetur vlera që tek asnjë person s’i kam gjetur më parë. Ai është njeriu më pozitiv që kam njohur ndonjëherë, ka një buzëqeshje që sa e shoh më qetëson dhe më fal mirësi. Di të them vetëm që djem si i dashuri im janë të rrallë.
