Beyonce Knowles njihet si një nga personazhet më të ndjekur në botë, sa gati gati të krijohet përshtypja sikur atë e dashurojnë të gjithë. Por ja që nuk ndodh kështu, pasi si çdo njeri tjetër edhe diva e madhe është e rrethuar nga njerëz të cilët nuk e durojnë dot. Ja cilët janë ata:
- Donald Trump
Në fakt Beyonce i ka bërë publike preferencat politike duke qënë një përkrahëse e zjarrtë e Barack Obamës. Gjithsesi, Donald Trump nuk i ka kursyer komentet e tij kur Beyonce Knowles performoi në “Super Bowl Half Time 2013”. “Dukej aq qesharake teksa tregonte format e saj, sa gati gati unë do ta quaja skandal kombëtar”- ka deklaruar Trump në një intervistë dhënë për median amerikane.
- Rreperi 50-Cent
Rreperi 50 Cent nuk ka dalë publikisht duke deklaruar se e urren Beyonce dhe bashkëshortin e saj Jay- Z, por gjatë intervistave të shumta ai nuk ka thënë fjalë pozitive. Në një intervistë të dhënë për një stacion radiofonik ai nuk ka qënë dakort për vendimet e Grammy ku i kanë besuar Beyonce Knowles çmimin si albumi më i mirë. “Pas skandalit në ashensor, të dy motrave dhe rreperit Jay-Z, Beyonce nuk mund të marrë një çmim të tillë. Ajo ka një karakter shumë impulsivë dhe shpeshherë ka ndërhyrë në çështjet e mia me Jey-Z”- është shprehur 50 Cent.
- Keri Hilson
Në vitin 2009 Keri Hilson u akuzua nga skuadra e Beyonce se kishte vjedhur tekstin e këngës “Irreplaceable” duke e përshtatur me hitin “Turn me on”. Hilson ka reaguar menjëherë pas kësaj deklarate duke shkruar në rrjete sociale fjalë të cilat ja dedikoi dives Beyonce. Ja çfarë shkroi: “Ajo mund të këndojë, mund të kërcejë në të majtë dhe në të djathtë por në të vërtetë ajo ka nevojë të ketë fëmijë”. Lufta mediatike midis Keri Hilson e cila mbrohej në atë kohë nga Timberland dhe Beyonce degradoi deri në pikën që Hilson do të publikonte një këngë që i dedikohej totalisht situatës së divës. Kënga do të mbante emrin “Sorry” por çuditërisht nuk u publikua kurrë.
.
