Ka pasur një super atmosferë mbrëmë në “Tabu Club Magic 4”, pasi tre këngëtarë shumë të mirë të muzikës popullore e ndezën skenën. Valbona Mema, Ylli Baka dhe Shkëlzen Jetishi, me këngët e tyre nuk i lanë të rinjtë ta ndalnin kërcimin për asnjë çast. Të pranishëm kishte edhe shumë fansa të artistëve që kishin shkuar në club enkas për t’i parë e dëgjuar. Teksa këndonte Ylli Baka, njëri prej adhuruesve të tij u mbuloi artistin me para. Skena u mbush me kartmonedha dhe me sy të lirë mund të kuptoje se ishin hedhur më shumë se gjysmë milioni lekë.
