Babai i saj abuzues është vrarë nga nëna e saj, për vetëmbrojtje, kur ajo ishte vetëm 16-vjeç. Charlize Theron ka treguar se vdekja e babait të saj nuk ishte aq traumatike sesa jetesa me një person të alkolizuar.
Në një intervistë të dhënë se fundmi, aktorja 41-vjeçare ka thënë se ajo i është nënshtruar një terapie për të lënë pas dhimbjet e fëmijërisë duke patur një të alkolizuar në shtëpi. “Babai im ishte i alkolizuar dhe mua më vinte shumë turp për këtë gjë”, ka shpjeguar ajo, shkruan “TAR”. “Të gjithë flisnin për një vrasje sikur ajo ishte plaga më e madhe e jetës sime. Sigurisht që ajo ishte por mendoj se më shumë ne jetë time ka ndikuar koha kur isha fëmijë, që jetoja me një të alkolizuar, ku çdo ditë që ngrihesha nuk e dija se çfarë do ndodhte. U ndjeva shumë keq për vrasjen e tij. Mendoj se të gjithë ata që u përfshinë u ndjen keq për gjithë ngjarjen. Unë thjesht sillem sikur nuk ka ndodhur. Kur më pyesin rreth babait, them që ka vdekur në një aksident me makinë”, tregoi e bukura Theron.
