Ylli i fitnesit Anna Victoria mori para pak ditësh një mesazh nga një vajzë 16 vjeçare, mesazh i cili e emocionoi shumë. Ajo i shkruante Anna-s se fotot e trupave të bukur që shihte në Instagram i kishin ulur vetëbesimin. Ylli i fitnesit vendosi të postonte një foto me një shkrim që i emocionoi ndjekësit e saj. Foto ka arritur 22 mijë pëlqime për tre ditë. “Thjesht një selfie kot. As makjazh, as flokë të rregulluara, as poza, as nuk kam nxjerrë gjuhën jashtë. Nuk po e postoj këtë sepse dukem keq, ose sepse barku im duket keq, ose sepse më duket celuliti, ose sepse jam pa makjazh dhe flokë të parregulluara. Asnjë nga këto gjëra nuk janë të këqija apo imperfekte. Ato janë normale. Po e postoj këtë sepse sapo më ka ardhur një email nga një vajzë 16 vjeçare e cila më shkruan se unë jam personi i vetëm nga ato që ajo ndjek, që e bëj të ndihet mirë me veten. Edhe pse ajo nuk ndihej keq me trupin e vet, duke parë fotot perfekte të pafundme që postohen në Instagram, ajo filloi të krahasonte trupin e saj me to. Impakti që kanë rrjetet sociale tek vajzat dhe vetëbesimi i tyre është një çështje që unë e ndjej shumë dhe nëse unë postoj një foto normale, pa pozuar, pa u zbukuruar, ndihmon një vajzë, një djalë apo këdo i çfarëdo moshe, të ndihet mirë me veten, atëherë jam e gatshme të tregoj veten kështu siç jam. Disa do e shohin këtë foto dhe do thonë: “Punë e madhe”. Nëse kjo nuk ka lidhje me ty, atëherë është në rregull. Nëse nuk e kuptoni këtë mos komentoni negativisht. Ne jetojmë në një shoqëri që përfiton nga pasiguritë tuaja, ji rebel dhe dashuroje veten. Dashuroje trupin tënd dhe mos të vijë turp nga trupi jot, dashuroji edhe papërsosmëritë e trupit tënd. Na duhen më shumë vajza që janë me vetëbesim dhe që dashurojnë çdo pjesë të vetes dhe e shprehin hapur. Tregojini vajzave që nuk është vetëm mirë, por edhe e domosdoshme të jenë me vetëbesim, të forta dhe me cene.” -shkruan Anna.
https://www.instagram.com/p/BONLzA4AgVw/
