Menjëherë sapo Elvana publikoi këngën ‘Forever is over’ në bashkëpunim me Poo Bear dhe David Guetta, pati menjëherë shumë sukses. Por edhe personazhe të njohur duket se janë fiksuar pas kësaj kënge. Lele Pons, ylli i videove vine, me mbi 18 milionë ndjekës në ‘Instagram’, duket se e ka pëlqyer shumë këtë hit. Ajo ka postuar video duke kërcyer nën ritmet e këngës së Elvanës dhe shkruan se është e fiksuar, duke i bërë edhe ‘tag’ këngëtares shqiptare. Sigurisht që Elvana duhet të jetë ndjerë shumë mirë, kur shikon se puna e saj e palodhur është shpërblyer me një këngë shumë të suksesshme.
