Nuk e ka humbur buzëqeshjen Shannen Doherty, ndonëse nuk është aspak e lehtë të përballosh kurën për kancerin në gji. Prej më shumë se një viti, “Brenda” e “Beverly Hills 90210” ka deklaruar se është e sëmurë dhe se lufton çdo ditë duke e ndarë edhe në rrjetet sociale. Postimi i saj më i fundit e tregon atë në një gjëndje të vështirë. “Ja tek jam në seancën time të parë të radioterapisë. Rrezet më trembin por jam e sigurtë që do të mësohem. Por tani i urrej”, ka shkruar ajo. Me flokët e rënë, ulur në një shtrat spitali, Shannen madje arrin të bëjë edhe ironi: “Kam fytyrën e një njeriu që po mendon të arratiset larg dhe nuk ka asgjë më reale se kjo. Kjo është dita ime e parë dhe kam frikë. Më tremb lazeri dhe kjo makineria përqark. Por jam edhe e bindur se me kohën do të mësohem, për tani ama e urrej”.
Pershtatur nga TGCOM
