Në skena si prej vërteti, me drita e efekte, me organo e DJ në sfond, energjikë e shumë të përmalluar për fansat e tyre, Kida dhe Ylli Limani u shfaqën mbrëmë në orën 21.00 Live në Instagramin e Vodafone Albania e Juthbyvodafone. Ishte e shtuna e radhës së koncertit “Vodafone Home Concert”, që u ndez flakë nga dy prej artistëve më të pëlqyer të momentit. Ishte Ylli Limani ai që bëri hapjen duke ftuar më pas dhe miken e tij Kida, për të nisur kështu komunikimin e të kënduarin mes tyre që do të bënte namin në Instagram ku numri i ndjekësve shkoi mbi 15K. Këngët hit të tyre, rrëfimet për ditët e izolimit, ngacmimet për të dashurit a të dashurat që mund t’ju kenë kushtuar këngët me dhimbje, lojërat me filtrat në Instagram, bisedat konfidenciale për kepët (qepët) e hudhrat që kanë shijuar këto kohë, sollën para ndjekësve një Kida e Ylli më miqësor e më të sinqertë në sytë e fansave të tyre. Dhe ky ka qenë dhe qëllimi i këtij koncerti, për të çuar shtëpi më shtëpi artistët, ashtu thjesht me muzikën dhe shpirtin e tyre, për të përcjellë gëzim e ritëm në fundjavë, pa pasur nevojë të shkojmë në clube a sheshe.
