Yllka Mujo ka sot ditëlindjen të cilën e feston në skenë, si shumë të tjera, ama duartrokitjet më të forta i merr nga Elia dhe Amos. Vajza e aktores ikonë shqiptare, i ka dedikuar një urim të mdjerë nënës së saj, ku ndër të tjera shkruan: “Sot ti luan në skenë dhe nuk mund të ishte ndryshe. Sa ditëlindje ke festuar në skenë mam, pranë publikut tënd të dashur që të ka duartrokitur gjithë jetën, qëkur këndoje në festivalet e fëmijëve, e uroj do të duartrokasë përjetësisht. Sonte ti do të luash ‘Oh ditë të bukura’, e unë po të them faleminderit për të gjitha ditët, javët, muajt, vitet e mrekullueshëm pranë teje…. Kujto që unë dhe Amosi të duartrokasim çdo qelizë e çdo frymëmarrje të kemi në jetën tonë”.
Në foto albumin që ajo ka zgjedhur, Yllka shfaqet në etapa të ndryshme të jetës, nga rinia në ca copëza shkëputur prej filmash, e deri tek fotot krah fëmijëve në ditët e sotme. Për Yllkën bashkë me familjen e saj po festojnë edhe adhuruesit ndër breza./revistawho.com
