Yllka Mujo prej vitesh është pjesë e pandarë e skenës shqiptare dhe artiste të kalibrit të saj gjithmonë janë vlerësuar nga publiku. Në një moshë fare të re ka nisur punën si aktore dhe pavarësisht se kanë kaluar shumë vite, shpirti artisitik vazhdon të jetë po i njëjtë për të. Ditën e sotme, aktorja e teatrit dhe filmit shqiptar feston ditëlindjen dhe të gjithë biem dakord se bukuria dhe ëmbëlsia në porterin e aktores nuk është zbehur me kohën. Ashtu siç i ka hije artistëve të vërtetë këtë përvjetor të ditëlindjes së saj, aktorja e ka kaluar me një festë shumë modeste mes njerëzve më të rëndësishëm për të.
Si çdo festë, e gjithë familja është bashkuar për këtë ditë të rëndësishme në jetën e aktores. Urimet më të bukura sigurisht që vijnë nga dy fëmijët e saj, Elia dhe Amosi, që e konsiderojnë nënën e tyre si një yll që u ndriçon shpirtin. /revistawho.com
