Young Zerka ishte një ndër të ftuarit specialë të kësaj të shtune në “Shiko kush luan”. Këngëtari i njohur u bë pjesë e shumë lojërave, por më sfiduesja për të ishte ajo e ‘paintball’. Përballë fytyrave të kolegëve të tij Zerka duhej t’ju përgjigjej disa pyetjeve shumë ngacmuese me një të qëlluar. Përmes lojës ai ka zbuluar se sipas tij këngëtari më i mirë është Ledri Vula, Samanta Karavella nuk e meriton famën që ka, Fero kopjon dhe nuk e ndjek në rrjete sociale, ndërsa bashkëpunimin me Kastro Zizon e konsideron si më pak të suksesshëm. Në fund të lojës me një të qëlluar Young Zerka ka treguar se Ronela Hajati mund të ishte shpirti i tij binjak. Më pas në lojën tjetër “Ndaje ose Haje” këngëtari ka thënë se Ronelën e ka thjesht kolege, duke treguar kështu se mes tyre nuk ka asgjë më shumë. Dyshja e njohur janë përfolur shumë shpesh në media për një lidhje të mundshme, por ata asnjëherë nuk kanë treguar plotësisht të vërtetën duke shtuar akoma më shumë dyshimet te fansat. /revistawho.com
https://www.instagram.com/p/B4YQAU1lDlJ/
