Kryeministri Edi Rama gjithmonë ka treguar se piktura është një nga pasionet e tij të përjetshme. Për ta mbajtur gjallë këtë pasion, duket se ai ka vendosur ta trashëgojë edhe tek djali i tij i vogël, Zaho. Rama ka publikuar në ‘Instagram’ një video në të cilën Zaho shihet duke pikturuar dhe sigurisht që nuk kishte se si kryeministri të mos e ndante me të gjithë këtë moment. Pavarësisht se prej vitesh është një piktor profesionist, kryeministri nuk preferon që të ndërhyjë në punën e të voglit dhe e lejon që të shprehë të gjithë botën e tij nëpërmjet ngjyrave. Përveçse duket se Zaho ka vërtet talent në pikturë, ajo që bie në sy është se ai pikturon me dorën e majtë. Personat që shkruajnë apo pikturojnë me të majtën cilësohen si me aftësi vërtet të veçantë dhe kanë një nivel shumë të lartë inteligjence dhe krijimtarie. Kjo do të thotë se me siguri në të ardhmen, Zahon do ta shikojmë patjetër duke punuar në fushën e artit. /revistawho.com
