Pasi ka kaluar disa vite intensive në muzikë bashkë me rininë e hershme, këngëtarja Zaimina Vasjari, në prag të 30-vjetorit, ka menduar të vendosë baza të sigurta për të ardhmen e saj. Pas diplomimit në degën e Arkitekturës, ajo sapo ka inauguruar biznesin e saj të ri, një dyqan fustanesh eventesh. “Panorama Plus” shkruan se ndryshe nga koleget e saj këngëtare që këtë verë e kanë kaluar me koncerte të shumta, Zaimina po qëndron në Tiranë duke iu dedikuar tërësisht biznesit. Ajo ka nisur një fushatë serioze intensive, duke ftuar në bashkëpunim mikeshat e saj më të ngushta VIP, të cilat po reklamojnë fustanet e saj. Kjo është hera e parë që Zaimina zbulon emrat e vajzave të njohura me të cilat ajo ka shoqëri, mes të cilave: Rezarta Shkurta, Anjeza Branka, Françeska Jaçe, Kristin Prengaj etj. Zaimina është kujdesur që të vërë në dispozicion të reklamimit të veshjeve asetet e saj fizike dhe të mikeshave, të cilat po ashtu shquhen për linja të bukura. Rrallëherë ndodh që një femër e njohur të bëjë imazh të biznesit të saj personazhe të njohura, pasi në shumicën e rasteve, vajzat VIP karakterizohen nga egoizmi. Për këtë prezantim vajzat kanë realizuar foto hot, për të rënë sa më shumë në sy e për të bërë përshtypje sa më shumë. Kjo strategji e Zaiminës po funksionon, pasi nuk janë të paktë vizitorët në faqen zyrtare të dyqanit, që u inaugurua më 31 korrik. Le të shohim se si do t’i ecë biznesi kësaj here Zaiminës, pas dy tentativave të mëparshme, një dyqani me fustane nusërie dhe një tjetri të shitjeve të produkteve me shërbim taksi.
