Pesë muaj më parë Zaimina Vasjari u bë nënë për herë të parë me vajzën e saj Khloe. Pas lindjes së saj sigurisht që mami Zaimina dhe babi Klodi kanë filluar të krijojnë plane për një të ardhme të sigurt për vogëlushen dhe gjithë familjen.
Duket se njëri nga planet e tyre ka filluar të realizohet pak nga pak. Shumë shpejt e gjithë familja do të zhvendoset në një shtëpi të re, që duket mjaft luksoze. Zaimina ka publikuar në ‘InstaStory’ një video brenda vilës, në të cilën punimet vazhdojnë akoma. “Projekt i ri i vilës është duke u përfunduar”, – ka shkruar Zaimina.
Duket se për arredimin e pjesës së kuzhinës dhe sallonit, Zaimina ka zgjedhur ngjyrën e zezë dhe gri. Këto duhet të jenë dhe ngjyrat më të përshtatshme për atë zonë të shtëpisë, duke qenë se Zaimina është arkitekte me profesion dhe e di fare mirë se çfarë duhet për arredim. /revistawho.com
