Një zhvillim i papritur ka tensionuar atmosferën në shtëpinë e Big Brother VIP 5, pasi Vëllai i Madh ka ndërhyrë me një vendim të ashpër për shkelje të rregullave. Në qendër të situatës është vënë banori Keijsi.
Sipas njoftimit zyrtar të transmetuar në shtëpi, Keijsi nuk ka respektuar disa herë udhëzimet e dhëna, duke shfaqur qëndrime kundërshtuese ndaj autoritetit të Vëllait të Madh. Sjellja e tij u cilësua si sfiduese, çka solli reagimin e menjëhershëm të produksionit.
Por ndëshkimi nuk u ndal vetëm te ai. Për shkak se banorët e tjerë nuk reaguan për të qetësuar situatën dhe nuk ndërhynë për të rikthyer respektimin e rregullave, u vendos një masë kolektive. Si pasojë, të gjithë banorëve iu hoqën cigaret – një vendim që shkaktoi pakënaqësi dhe nervozizëm brenda shtëpisë.
Përveç kësaj, Vëllai i Madh mori edhe një tjetër masë të fortë: mbylljen e dhomës së gjumit për një afat të pacaktuar, duke e bërë edhe më të vështirë përditshmërinë e banorëve.
Vendimi ka ndezur reagime të menjëhershme dhe ka prishur ekuilibrat në lojë, duke rritur ndjeshëm tensionin mes konkurrentëve. Tashmë mbetet për t’u parë nëse kjo ndërhyrje do të ndikojë në qëndrimin e Keijsit dhe në mënyrën se si banorët do të sillen në ditët në vijim brenda shtëpisë më të famshme në Shqipëri.
