Në fillim të emisionit “Fan Club”, atmosfera mori një kthesë krejt të papritur për Kiara Titon. Moderatorja u vendos përballë një situate që dukej serioze, pasi në kufje iu tha sikur në shtëpinë e “Big Brother VIP 5” kishte mbërritur një zarf i zi.
Teksa Kiara priste që ky moment të shfaqej në ekran, publiku u përball me diçka krejt tjetër. Në vend të një lajmi të rëndë, u transmetua një klip surprizë, përgatitur posaçërisht për 30-vjetorin e saj të lindjes.
Videoja përmbledhte disa nga momentet më të bukura të Kiarës, shoqëruar me urime dhe mesazhe emocionale. Moderatorja nuk arriti t’i përmbante emocionet dhe lotët, duke e kthyer atë çast në një nga momentet më të ndjera të mbrëmjes.
Më pas, Kiara sqaroi se gjithçka kishte qenë thjesht një rreng dhe se në realitet nuk kishte asnjë zarf të zi në shtëpinë më të famshme në Shqipëri, por një surprizë e menduar për ta emocionuar në ditën e saj të veçantë.
