Ende pa filluar mirë spektakli i kësaj të shtune banorët e shtëpisë më të famshme në Shqipëri janë njohur me ekzistencën e një zarfi të zi.
Një zarf që nuk paralajmëron asgjë të mirë për banorët e shtëpisë së Big Brother. Lupçe si lideri i javës që lamë pas ka shkuar dhe e ka marrë në dhomën e rrëfimit.
Të gjithë banorët janë instruktuar nga Arbana që të mos e hapin zarfin deri në momentin e duhur.
Se çfarë ka të shkruar, apo çfarë pasojash do të ketë për banorët në zarfin e zi, mbetet për t’u zbuluar nga ata në minutat në vazhdim.
Arbana ka zbuluar për publikun përmbajtjen e zarfit të zi. Në të shkruhet se këtë mbrëmje do të ketë edhe një eliminim tjetër, përveç atij do të dalë nga televotimi i javës së shkuar.
