Ndarja nga e fejuara e tij Perrie Edwards, i ka zemëruar paksa fansat e Zayn Malik, por ish-anëtari i One Direction nuk mjaftohet me kaq. Zayn ka postuar së fundi një foto në llogarinë e tij në Instagram, duke bërë “selfie” provokuese me një tjetër bionde. Bëhet fjalë për aktoren amerikane Gage Golightly, me të cilën këngëtari ka pasur një përqafim shumë intim. 3.5 milionë ndjekësit e këngëtarit në Instagram zgjuan menjëherë kureshtjen pas publikimit të kësaj fotoje, ndërsa pyesnin nëse Gage ishte e dashura e tij e re, por si përfundim nuk morën asnjë përgjigje nga Ish- këngëtari i grupit “One Direction”.
