Gjatë ditës së sotme në media ka qarkulluar lajmi se Angela Martini do të kthehet në Shqipëri për të moderuar një emision në “Top Channel”. Por ky lajm duket të mos jetë i vërtetë, pasi modelja do të jetë një nga të ftuarat e emisionit më të ri i cili pritet të startojë shumë shpejt, “Top of The Top”. E ftuar tjetër do të jetë edhe modelja Emina Cunmulaj, e cila për momentin jeton në Amerikë. Emisioni do të zgjasë plot 12 javë dhe në qendër të tij do të jenë personazhet e njohur të ekranit shqiptar të cilët jetojnë jashtë vendit.
‘Revistawho.com’ zbulon se në fakt prezantuesja e këtij emisioni do të jetë modelja Rina Abazi, motra e këngëtarit Dren Abazi. /revistawho.com
