Zbulohet ‘amaneti i fundit’ i të dyshuarit të sulmeve terroriste në Belgjikë

Hetuesit kanë zbuluar ‘amanetin e fundit’ të shkruar nga një i dyshuar kryesor për sulmet me bomba të muajit mars në Bruksel, raportojnë mediat franceze. BBC shkruan se teksti, i gjetur në një kompjuter i cili ishte hedhur në një shportë të mbeturinave, i është artibuar Mohamed Abrini, “njeriu me kapele” i parë bashkë me bombarduesit e aeroportit të Brukselit para sulmit. Abrini iu kishte thënë hetuesve pas arrestimit të tij në prill se ai nuk do të lëndonte as edhe një mizë. Por, teksti tregon se ai i ka aprovuar sulmet e nëntorit në Paris dhe ka uruar që të vdesë si martir.
“Parajsa”
Në tekst, i datuar 2 shkurt, Mohamed Abrini shpjegon se vdekja e vëllait të tij në një sulm vetëvrases me bomba në Siri në korrik të vitit 2014 e ka shtyrë atë të shkojë në rajon, sipas BFMTV. Në këtë pikë, 31 vjeçari belg me origjinë nga Maroku, vendosi që t’i bashkohet grupit xhihadist ISIS. Ai i përshkruan autorët e sulmit të Parisit si heronj, i kërkon nënës së vet ta falë, dhe thotë se mezi pret ta takojë në xhenet vëllain e vet të vrarë. /Gazeta Express