Zbulohet arsyeja pse Kylie Jenner mendonte se partneri i saj e tradhtonte

Një tjetër dramë në familjen Kardashian-Jenner, por këtë herë bëhet fjalë për Kylie Jenner dhe Travis Scott. Pak ditë më parë, çifti kishte një konflikt, pasi Kylie kishte prova që Travis e tradhtonte, gjë që e detyroi këtë të fundit të anulonte koncertin e tij ‘Astroworld’, për të sqaruar situatën. Sipas një burimi për ‘People’, Kylie ka parë diçka që nuk i ka pëlqyer në telefonin e reperit dhe kjo ka çuar në disa konflikte, por Travis e ka mohuar kategorikisht se e ka tradhëtuar atë. Revista ka shkruar se Kylie ka qenë shumë e shqetësuar nga kjo situatë, por duket se gjërat janë qetësuar dhe çfarë është më e rëndësishmja, dyshja nuk ka ndërmend të ndahet. Kylie dhe Travis u bënë prindër të një vajze një vit më parë dhe që atëhere, kanë qenë të pandashëm./revistawho.com