Pas deklarimit të Lorik Canës rreth largimit nga kombëtarja shqiptare, të gjithë ngritëm supozimet se ku do ta mbyllte ai karrierën e futbollit, ndërkohë që po e vazhdon kursin e trajnerëve në Federatën Shqiptare të Futbollit.
Mirëpo zëvendës trajneri i përfaqësues kosovare ka treguar akoma më shumë rreth planeve të kapitenit legjendar të kombëtares shqiptare. Kur Muharrem Sahiti u pyet nëse do të marrë një detyrë apo nëse Lorik Cana ishte ftuar për të luajtur me kombëtaren e Kosovës, ai tha:
“Loriku e ka përfunduar më Kombëtaren Shqiptare dhe ka deklaruar se nuk do ta ndërrojë Shqipërinë. Ai do t’i shërbente shumë Kosovës me përvojën e tij, por sa jam i informuar, ai do të marrë një post në Federatën Shqiptare të Futbollit”.
