Banorëve u është komunikuar gjatë kësaj jave se dikush ka shkelur rregullat. Ndërkohë jashtë shtëpisë së “Big Brother” prej ditësh po përflitej se Damiano ka shkelur rregullat duke komunikuar me persona të tjerë në kohën kur pretendohej se ishte i izoluar. E gjithë e vërteta është zbuluar mbrëmjen e sotme. Damiano ka shkelur rregullat e “Big Brother” të cilat u treguan me anë të një klipi. Një nga rregullat është që konkurrentët e përzgjedhur për t’u bërë pjesë e programit nuk duhet t’i tregojnë askujt për pjesëmarrjen e tyre në këtë format, rregull që Damiano e ka shkelur duke i treguar shokëve të tij. Në zyrat e Top Channel u paraqit një vajzë e cila deklaroi se ishte e dashura e Damianos. Një tjetër rregull i këtij reality show ishte se konkurrentët duhet të ishin single dhe si të tillë të hynin në lojë ose çift dhe të merrnin pjesë me partnerin ose partneren. Gjithashtu nga data 29 mars deri 1 prill Damiano ka qëndruar i izoluar në hotel për të mos pasur asnjë kontakt me njerëzit jashtë dhe duke pritur vendimin e publikut. Por ai ka komunikuar, mesazhe të cilat janë bërë publike në media. Kështu “Big Brother” vendosi përjashtimin e Damianos nga shtëpia për shkak të shkeljes së rregullave. Damiano e pranoi fajin dhe tha se do preferonte që vajza në klip që ka deklaruar se është e dashura e tij të dilte me fytyrë. “Unë do preferoja që ajo vajza të mos shfaqej e mbuluar dhe të vinte këtu sepse kam ardhur një muaj e gjysëm para dhe kam thënë që jam single, por kjo nuk do të thotë që nuk mund të kaloj një natë me një vajzë. Nuk arrij ta kuptoj. Kjo është asgjë. Të jemi të sinqertë të gjithë ne i kemi treguar miqve dhe video është bërë dy ditë përpara hyrjes sime. E pranoj komunikimin gjatë kohës që kam qenë i izoluar”, -tha Damiano. Siç janë edhe rregullat Damiano u largua me Armelën./revistawho.com
