Në ditë më parë u përfol se së shpjeti do të kishte ndryshime në emisionin e mëngjesit në ‘Top Channel’, ‘Wake Up’ dhe u tha se dy moderatorëve, Eno Popit dhe Isli Islamit, do t’i bashkohet një figurë femërore në drejtimin e emisionit.
Emri i saj më në fund është zbuluar dhe siç bën të ditur ‘Tirana Post’, bëhet fjalë për ish-zëdhënësen e Partisë Demokratike, Oriela Nebiaj.
Nbiaj, e cila ka pasur edhe eksperienca të tjera prezantimi në radio e televizion, prej një kohe të gjatë është tërhequr nga mediat duke iu përkushtuar disa sipërmarrjeve të tjera. Por mesa duket oferta e ‘Top Channel’ e ka tunduar atë që t’i rikthehet më në fund ekranit.
