Mbrëmjen e kaluar u raportua në media shtrimi me urgjencë në spital i këngëtares së njohur, Demi Lovato pasi u gjet pa ndjenja në shtëpinë e saj në Hollywood Hills. Shkak për këtë sipas mediave u bë një mbidozë heroine, por lajmi nuk ishte konfirmuar në rrugë zyrtare, ndërsa familjarët dhe miqtë pranë saj kërkonin mirëkuptim. Sipas TMZ, Demi aktualisht është e vetëdijshme dhe po e merr veten, por nuk pranon të tregojë çfarë ka konsumuar që përfundoi në atë gjendje.
Ndërkohë është bërë e ditur se nuk ka një investigim kriminal për rastin në fjalë pasi nuk janë gjetur prova se këngëtarja e shumë hiteve ka konsumuar lëndë narkotike. Megjithatë pas shtrimit në spital ajo është mjekuar me Narcan, që lufton efektet e mbidozës nga lëndët narkotike. Kujtojmë se këngëtarja ka luftuar prej vitesh me varësinë ndaj dograve, por në 6 vitet e fundit ka hequr dorë prej tyre./revistawho.com
