Zbulohet kuptimi i emrit Chicago që Kim Kardashian dhe Kanye West i kanë vendosur vajzës së sapolindur

Fëmijët e Kim Kardashian dhe Kanye West kanë emra shumë të veçantë dhe kësaj radhe ata përsëri kanë bërë një zgjedhje speciale. Sipas ‘E! NeWs’ emrin Chicago e zgjodhi Kanye dhe më pas dhe Kim ra dakord me këtë gjë, pra ishte një vendim i përbashkët. Kanye kishte dëshirë që këtë emër ta vendoste si nderim për vendin e tij të lindjes dhe si homazh për nënën e tij të vdekur. Në kohën kur Kim Kardashian organizoi ‘baby shower’ për vajzën që do të vinte në jetë, ajo u kishte kërkuar miqve të saj që të shënonin të gjithë nga një emër si sugjerim. Por kjo nuk është hera e parë që Kardashian dhe West zgjedhin emra kuptimplotë për fëmijët e tyre. Përshembull Kim zgjodhi emrin Saint për djalin e saj duke qenë se ajo kaloi një shtatëzani të vështirë dhe Saint do të thoshte se ai ishte një bekim për të. Ndërsa për vajzën e parë ata zgjodhën emrin North, sepse për ta ajo është fuqia më e lartë që i bashkon në një pikë të përbashkët. / revistawho.com