Data 4 shtator, e cila do të shënohet në kalendar si dita e shenjtërimit të Nënë Terezës po afron, por një zbulim i kohëve të fundit ka bërë që të flitet më shumë për të.
Ky zbulim ka të bëjë me mbretëreshën e Spanjës, Sofia e cila ka patur një marrëdhënie të afërt me Nënë Trezën dhe se gjithmonë ka pasur bindjen se ajo ka qenë një shenjtore.
Mbretëresha Sofia e ka zbuluar këtë sekret në një intervistë, dhe të dielën e ardhshme do të jetë dëshmitare e njohjes zyrtare të saj si shenjtore, nga Papa Françesku në Vatikan.
Mbretëresha e admironte Nënë Terezën dhe sa herë që mundej e ndihmonte me punët e saj të bamirësisë.
Madje kur nënë Terza vdiq në vitin 1997, mbretëresha Sofia mori pjesë në furneralin e saj, por ajo ceremoni duket se i kishte lënë një shije të keqe. Pasi sipas saj, Nenë Tereza ishte aq e vogël dhe brishtë, saqë nuk i kishte pëlqyer ceremonia mortore që i kishin organizuar.
Ato të dyja janë njohur pas një ftese që mbretëresha i kishte bërë shenjtores në pallatin e saj, dhe që nga ajo ditë ato janë takuar shpesh me njëra-tjetrën, e zakonisht në privatësi.
Madje në vitin 1986, ato së bashku kanë inaguruar ”Misionaret e bamirësisë”.
