Zbulohet një tjetër skandal mashtrimi, këtë herë i përfshirë dhe Mozzik

Skandali i mashtrimit të Loredana Zefit, prej ditësh tashmë komentohet nga mediat zviceriane dhe ato shqiptare. Pas kësaj, Loredana bashkë me Mozzik dhe 2 avokatët e tyre, dhanë një konferencë për shtyp në Prishtinë, ku sqaruan të gjithë situatën. Kur të gjithë menduan se çdo gjë mbaroi, gazeta e njohur zviceriane ‘Blick’ publikon një tjetër denoncim për mashtrim, por këtë herë është i përfshirë dhe Mozzik. Sipas ‘Blick’, një pronar anijesh pretendon se në vitin 2017, Loredana dhe Mozzik i kanë borxh 1000 franga, pasi e kanë mashtruar. Ai thotë se këngëtarja është paraqitur si vajza e avokatit Valentin Landmann dhe i ka kërkuar një anije me qira, pa licencë. Çifti e kishte marrë anijen për 3 orë, por pasi ishin kthyer nuk kishin paguar, duke përdorur justifikimin se nuk kishin para me vete, por do e bënin pagesën pasi të ktheheshin. Pronari i anijeve u shpreh se ata nuk u kthyen kurrë, kështu që ai ngriti një padi. Nuk ka pasur ende asnjë reagim nga dyshja për këto akuza, megjithatë kjo mbetet për t’u parë./revistawho.com