“Masterchef Junior”, gara e gatimit që do të zgjasë 12 javë në ekranin e RTSH, me në fokus fëmijët në kuzhinë, do të sjellë në pozicionin e anëtares së jurisë Xheraldina Vula, nënën e Ledrit. Lajmin e ka zbuluar gazetari Olti Curri.
Kjo nuk është hera e parë që Xheraldina shfaqet në një emsion televiziv kushtuar gatimit, pasi prej shumë kohësh ajo moderon emisionin “Diçka po zihet” në Kosovë, i cili ka gjithashtu lidhje me kuzhinën dhe përgatitjen e recetave të shijshme.
Por në këtë rast bëhet fjalë për një format ku fëmijët do të gatuajnë dhe do të gjykohen si të rritur nga anëtarët e jurisë.
Përveç saj, pjesë e jurisë së “Masterchef Junior” do të jenë edhe dy emra të tjerë, Juli Zguro, shefi i kuzhinës në “Millenium Gourmet”, emri i të cilit u zbulua si pjesëmarrës nga “Revistawho.com” dhe Sokol Prenga, anëtar jurie në disa edicione të “Masterchef Albania” për të rritur, transmetuar në “Top Channel”./revistawho.com
