Publiku e ka ditur prej kohësh që Ronela Hajati është në një fazë të re të jetës – dhe këtë herë duket se zemra e saj ka gjetur destinacionin përtej oqeanit. Këngëtarja është zhvendosur përkohësisht në Kanada prej më shumë se një muaji dhe komentet për një romancë të re kanë nisur të ziejnë në rrjet.
Një video e publikuar nga një vajzë shqiptare që jeton në Toronto ka ndezur thashethemet. Në klip, Ronela shfaqet e qeshur dhe krejt e qetë gjatë një ndeshjeje basketbolli, pranë një mashkulli misterioz. Të dy duken të afërt, ndërsa fansat kanë nisur menjëherë të pyesin: kush është ai?
Artistja po ruan privatësinë e romancës, por duket se pamjet nga Toronto i kanë “tradhtuar” planet e saj për të qëndruar low–profile. Madje, ajo ka ndarë vetë disa momente nga ndeshja në Instagram Story, ku ka postuar edhe një foto të Drake, i cili ndodhej në të njëjtin stadium duke ndjekur sfidën live.
Pavarësisht kësaj, identiteti i partnerit mbetet mister. Ajo ç’ka është e qartë për momentin është energjia pozitive e Ronelës dhe fakti që fansat po presin vetëm një gjë: publikimin e fotos zyrtare së bashku me të.
