Çmimet Grammy u zhvilluan të dielën dhe kishte shumë momente argëtuese nga e gjithë ceremonia. Përveç fitores së Harry Styles, ishte një moment tjetër i rëndësishëm që pushtoi internetin. Jennifer Lopez mori pjesë në ceremoni me bashkëshortin Ben Affleck, por aktori nuk dukej se po kënaqej. Affleck me sa duket nuk po e ndjente atmosferën në Grammy, por dukej sikur po bënte përpjekje për ta shijuar. Informacionet e reja nga një burim pranë tyre kanë zbuluar arsyen pse Ben Affleck ishte kaq i palumtur. Nuk kishte asnjë lidhje me marrëdhënien e tij me Jennifer Lopez. Në fakt, ndoshta do t’ju pëlqejë Beni edhe më shumë kur të zbuloni të vërtetën.
Sipas një burimi për Entertainment Tonight, gjithçka që pësoi Beni gjatë Grammy ishte rraskapitja. Aktori aktualisht ka disa projekte të reja që po ndodhin në të njëjtën kohë dhe ai ndihej jashtëzakonisht i lodhur pas një jave të ngarkuar. Të gjithë ne kalojmë diçka të ngjashme gjatë një fundjave, kur nuk duam të shkojmë diku por e bëjmë sepse duam t’i kënaqim njerëzit tanë të dashur. Madje Jennifer Lopez ka postuar një video ku ka lavdëruar bashkëshortin e saj që ka qenë pranë saj në natën më të rëndësishme të industrisë muzikore.
Kjo është ajo që tha burimi: “Jen dhe Ben patën një mbrëmje argëtuese në GRAMMY, por ata të dy kanë qenë shumë të zënë duke punuar në disa projekte dhe Ben ndihej i lodhur. Ai donte të shkonte dhe të mbështeste Jen, por ai nuk ndihej mirë si zakonisht. Jen kaloi shumë mirë dhe donte që Beni të ishte i emocionuar që të ishte atje, por ajo e kuptoi se çfarë kishte ai. Jen e di se Beni është një burrë i mrekullueshëm dhe ata gjithsesi u siguruan që të kalonin një natë të mirë së bashku. Ajo e di se sa mbështetës është Ben ndaj saj dhe punës së saj, por gjithashtu e kupton se Beni është më shumë një njeri që i pëlqen të rri në shtëpi dhe eventet nuk janë gjëja e tij. Ajo është mirënjohëse për mbështetjen e tij, qoftë kur ata janë jashtë apo vetëm duke qëndruar në shtëpi.”
