ZBULOHET SHKAKU/ Merr flakë mjeti që përdorte aktori shqiptar, ja pse u dogj vetura me pronare një femër

Mbrëmjen e së martës një automjet në Tiranë është përfshirë nga flakët. Mësohet se vetura që u dogj përdorej nga aktori i famshëm shqiptar Laert Vasili. Ditën e sotme u zbulua edhe shkaku i djegies së automjetit. Dyshohet se makina është djegur për shkak të një qarku të shkurtër në sistemin elektrik. “Lapsi.al” raporton se djegia ka qenë aksidentale nga një defekt që mjeti i tij ka pasur në sistemin elektrik në motor. Sipas Vasilit, kjo gjë ishte konfirmuar edhe nga mbikëqyrja që kishin kryer ekspertët kriminalistë dhe hetuesit e policisë. Vetura e markës “Renault”, që përdorej nga Vasili ishte në pronësi të një femre. Mjeti u dogj mbrëmjen e së martës në rrugën “Zonja Çurre”, në Tiranë, pranë tregut elektrik.