Në një kohë kur kanë mbetur edhe pak ditë nga starti i edicionit të 9-të të Big Brother, ditë pas dite po zbulohen edhe enigmat e fundit. Pas fotove të shtëpisë së re, e cila po merr pamjen përfundimtare, Big Brother ka zbuluar edhe fotot e para të studios ku do të zhvillohet shfaqja e madhe, nën drejtimin e Arbana Osmanit, duke filluar nga mbrëmja e së shtunës, më 18 mars. Nga fotot, studio duket ende në fazat e para, megjithatë puna po vazhdon për t’i dhënë asaj pamjen përfundimtare. Siҫ mësohet nga produksioni, studio do të jetë gjigante. Projekti që është zbatuar për të, ideuar vetë Big Brother, është mjaft i veҫantë dhe një pikë shumë të rëndësishme ka ndriҫimin. Studio do të jetë 360 gradë, por për momentin është publikuar vetëm njëri prej këndeve të shumta të saj. Big Brother zbulon se kjo do të jetë një studio me shumë ngjyra, por ajo që mund të quhet si pjesa më e rëndësishme e projektit të kësaj studioje është ndriçimi. Brig Brother i ka kushtuar rëndësi të veçantë dhe premton se do të jetë një nga ndriçimet më të bukura që është realizuar në studiot televizive shqiptare.
Marre nga Class
