Miriam Cani dhe Alban Skënderaj i surprizuan të gjithë ndjekësit e tyre në koncertin e mbajtur pak ditë më parë në Prishtinë, në momentin kur ndanë lajmin se shumë shpejt dyshja do të bëheshin prindër për herë të dytë. Ky lajm u prit me ovacione të shumta nga publiku, i cili duartrokiti shumë gjatë këtë moment special gjatë recitalit të mbajtur nga Albani në një nga sallat më të mëdha në Kosovë.
Ndërsa së fundmi këngëtarja e ëmbël, Miriam, ka treguar për revista ‘Class’ se është në fundin e 3 muajve të parë të shtatzënisë dhe ende nuk ka shumë detaje për fansat lidhur me gjininë e bebit, pasi është akoma herët. Megjithatë detaje të reja pritet të bëhen te ditura nga vetë çifti në muajt në vazhdim lidhur me këtë moment të veçantë në jetën e tyre. Kujtojmë se Miriami dhe Alban janë prindër të një vajze të vogël të quajtur, Ameli.
Me siguri të gjithë fansat e çiftit të dashur për publikun shqiptar, janë duke pritur me shumë kuriozitet nëse fëmija i dytë i tyre do të jetë një vëlla apo motër për vogëlushen./revistawho.com
