Pak orë më parë, Alketa Vejsiu ka zbuluar një ritual të ditës së saj me anë të një postimi të këndshëm në ‘Instagram’. Moderatorja e njohur shfaqet teksa udhëton me biçikletë dhe shpjegon se këtë gjë zgjedh ta bëjë çdo ditë për të shkuar në punë. Komentet për këtë detaj nuk vonuan dhe një pjesë e tyre shprehnin dyshim, por Alketa nuk e anashkaloi këtë temë dhe vendosi t’i përgjigjet një prej komentuesve.
https://www.instagram.com/p/B0I1vK8nASt/?fbclid=IwAR2pJjaGD6AHDc_ZyVJoeEzi8oo_cMUsS1pRV8tQArjj4gIRyibLLt7d2YE
“Sa larg e ke punën me shtëpinë? Nuk besoj se shkoni me biçikletë ju që keni makina të mira. Bëre një xhiro, mirë e bëre se kujton fëmijërinë, po bukë me vete ke marrë dhe ujë me akull si ne fakiret?”, shkruan një vajzë. Ndërsa nga ana tjetër Alketa ka dhënë një përgjigje që i ka lënë të gjithë pa fjalë. “Më duhen 29 minuta. Bukë me vete nuk marr sepse ha para se të dal. Një shishe ujë po. Fakire kam qenë edhe unë. Me biçikletë me plumbat në majë të kokës në ’97-ën në ‘Top Albania Radio’. 4 vite prita me padurim sa bleva një Golf Wolsvagen të përdorur, të vjetër, pa ajër të kondicionuar. Po kam një makinë më të mirë tani, por se dua fare. Vetëm me biçikletë dhe trena dua unë. Janë më të mirë se çdo avion privat dhe ferrari”, u shpreh ajo.
Moderatorja është bërë shpesh pjesë e diskutimeve për detaje të ngjashme të jetës së saj, që për publikun duket se janë të paimagjinueshme, por Alketa gjithmonë e ka vënë theksin tek thjeshtësia dhe dëshira për të qenë sa më pranë natyrës dhe më larg luksit. / revistawho.com
