Me siguri e keni pyetur shoqen tuaj simpatike pse është ende beqare dhe nuk është duke menduar të krijojë një familje. Në fillim mund të qeshni me këtë temë, por në fakt problemi është më i thellë. Duke studiuar problemin, kemi listuar disa nga arsyet.
1. Femrat moderne janë të pavarura
Femrat kanë luftuar dhe kanë ndryshuar shumë gjëra për vite me rradhë. Ato po zëvëndësojnë meshkujt në shumë punë të ndryshme dhe ndonjëherë e bëjnë punën më mirë se ata. Nuk kanë nevojë t’i kërkojnë ndihmë burrit për punë të ndryshme të rëndomta, pasi mund të marrësh në telefon servisin.
2. Femrat kanë filluar të respektojnë lirinë
Tani në vend që të qëndrojnë në shtëpi dhe të gatuajnë për burrin dhe fëmijët, femrat preferojnë të kalojnë kohë me veten. Tingëllon bukur të kalosh pasditen në një spa, parukeri, apo qendër tregtare.
3. Kanë standarte të larta
Kur fiton vetë paratë e tua, ke diplomë, kujdesesh për veten dhe përpiqesh të jesh e suksesshme dhe në shumë fusha të tjera, nuk mund të pranosh dikë që nuk vlerëson arritjet e tua. Nuk mund të tolerojnë standarte të ulëta, pasi nuk sjellin asnjë ndryshim në jetën tënde.
4. Meshkujt kanë frikë të takojnë femra të pavarura dhe të bukura
Kur shohin një femër të bukur, të zgjuar dhe të pavarur e kanë të vështirë të hedhin hapin të parët sepse mendojnë që një femër e tillë nuk mund të jetë kurrë beqare. Plus, nuk duan që të refuzohen nga një femër.
5. Femrat moderne nuk besojnë në përralla
Po, niveli i besimit të femrave ndaj meshkujve është shumë i ulët. Askush nuk do të ketë një zemër të thyer, por fatkeqësisht kemi dëgjuar shumë raste kur femrat tradhëtohen. Nëpër filma kemi parë që në fëmijëri femra që janë të suksesshme në punën që bëjnë, ose janë pronare të një kompanie shumë të madhe. /revistawho.com
