Të kesh dhëmbë të pastër dhe të rregullt është shumë e rëndësishme, pasi tregon shumë për higjenën tonë. Duhet të tregojmë shumë kujdes dhe t’i kushtojmë shumë vëmendje. Kemi sjellë disa këshilla për ju që mund t’ju ndihmojnë shumë.
- Pastroni dhëmbët me pe çdo ditë
Këtë duhet ta bëni 1 ose 2 herë në ditë, gjithmonë përpara se të lani dhëmbët. Në këtë mënyrë hiqni ngjyrën e verdhë që krijohet mes dhëmbëve.Nëse keni tela, pyesni dentistin tuaj se si mund të përdorni peun.
- Lani dhëmbët 2 herë në ditë.
Për dhëmbë të pastër, të shëndetshëm dhe të fortë duhet ti lani ato 2 herë në ditë. Mundohuni të përdorni një furçë të mirë dhe t’i lani dhëmbët për 2 ose 3 minuta, jo fortë pasi mund të dëmtoni mishin.
- Provoni trajtime me receta shtëpie.
Nëse nuk ju mjafton rutina e zakonshme dhe doni të keni dhëmbë më të bardhë mund të provoni disa receta në shtëpi, pasi janë dhe më të mira se sa ato që gjenden në farmaci. Përshembull mund të përdorni sodën duke marrë një sasi të vogël me furçën e dhëmbëve dhe ti lani për 2 minuta. Kjo duhet të bërë vetëm një herë në jave. Mos provoni recetat që përmbajnë acide.
- Kini kujdes me trajtimet profesionale të zbardhjes së dhëmbëve.
Disa nga këto trajtime mund të jenë të dhimbshme për personat me mishëra sensitivë apo për ato që i përdorin më shpesh seç duhet. Gjithashtu këto trajtime me mjete profesionale janë të mira për ti fshehur mikrobet tek dhëmbët dhe jo për ti zhdukur ato.
- Mos përdoni ushqime që zverdhin dhëmbët tuaj.
Kafja, çaji i zi apo vera mund të zverdhin dhëmbët tuaj. Mundohuni të reduktoni përdorimin e tyre ose të mos i përdorni fare. Cigarja gjithashtu ka të njëjtin efekt.
- Kujdesuni që buzët tuaj të jenë gjithmonë të buta.
Buzët sigurisht luajnë një rol kryesor në buzëqeshjen tuaj kështu që mundohuni të kujdeseni sa më shumë për to. Gjatë periudhës së dimrit mund të keni disa probleme me lëkurat e vdekura. Mundohuni t’i hiqni me një furçe dhëmbësh pas dushit dhe më pas të vendosni një zbutës. Gjithashtu pini sa më shumë ujë që të qëndroni të hidratuar.
- Shkoni sa më shpesh tek dentisti, qoftë dhe për një kontroll.
Në shumicën e rasteve forma e dhëmbëve tuaj nuk është një problem për të pasur një buzëqeshje të bukur, por nëse bëni kontrolle dentisti mund t’ju ndihmojë që të ndryshoni pamjen e tyre duke arritur një pamje sa më të rregullt të gojës. Mund të vendosni tela, të bëni pastrime herë pas here apo dhe të vendosni implante që do e ndryshojnë buzëqeshjen tuaj rrënjësisht, sigurisht duke e perfeksionuar atë.
