Të gjithë mendojnë se pozicioni i fjetjes është çështje preference, por nuk është vetëm kaq. Këto pozicione kanë një ndikim shumë të madh në shëndet dhe personalitet.
Më poshtë ju sjellim se si ndikojnë ato në personalitetin tuaj sipas ‘The Bright Side’:
1-Të fjeturit me kurriz. Ky pozicion lidhet me vetëbesimin. Personat që flenë në këtë pozicion kanë një vetëbesim dhe siguri të lartë.
2-Të fjeturit me bark. Në këtë pozicion flenë njerëzit perfeksionistë dhe që kanë një sens kriticizmi.
3-Të fjeturit anash. Ka të bëjë me të qenurit i relaksuar, mendje hapur dhe i aftë për të bërë kompromise.
Si ndikon pozicioni i fjetjes në shëndetin tuaj:
1-Të fjeturit me kurriz ka një ndikim pozitiv për trupin. Ky pozicion ndihmon që pesha të shpërndahet në mënyrë të njëjtë në gjithë trupin, por ndonjëherë shkakton dhimbje të shtyllës kurrizore dhe qafës.
2-Të fjeturit anash. Për njerëzit që gërhasin këshillohet të flenë në këtë pozicion. Gjithashtu lehtëson dhimbjet e qafës. Ky pozicion gjithashtu shkakton mpirje në pjesë të trupit dhe shenja në fytyrë.
3-Të fjeturit me stomak. Ky pozicion ndihmon në minimizimin e gërhitjes gjatë gjumit. Problemi është se ky pozicion dëmton shtyllën kurrizore duke e deformuar atë dhe shkakton dhimbje.
Të gjitha këto pozicione kanë të mirat dhe të këqijat e tyre dhe varen nga preferencat tuaja, por do të ishte mirë që ju t’i alternonit këto pozicione sepse të mbajturit një pozicion të vetëm për një kohë të gjatë nuk do të ishte e shëndetshme për ju./revistawho.com
