Nëse jeni të fiksuar pas rregullimit të tavolinës dhe doni që të duket sa më bukur për të ftuarit tuaj, atëherë kemi disa ide ndryshe dhe pak jashtë të zakonshmes për ju. Mund të merrni disa nga këto ide, t’i shtoni prekjen tuaj dhe përfundimi do jetë i mrekullueshëm.
Prekje të arta
Nëse jeni të lodhura nga pamja e zakontë e tavolinës tuaj dhe pjatave, mundohuni të shtoni disa orendin në ngjyrë të artë, si përshembull pirunj, lugë apo zbukurime të tjera që mund të vendosni në tavolinë.
Ngjyra jeshile
Për të bërë diçka ndryshe, por pa dalur nga tema e festave, mundohuni ta ktheni tavolinën në një mini-pyll. Vendosni pak gjëra në ngjyrë jeshile dhe kombinojini ato me ngjyrën e bardhë. Mos harroni qirinjtë në disa vazo qelqi dhe ngjisni jashtë tyre zbukurime që mund t’i bëni vetë ose t’i blini të gatshme.
Detaje të akullta
Për këtë dekor përdorni më shumë ngjyrën e bardhë dhe blu, si në pjata ashtu dhe në disa orendi. Nëse keni të ftuar atë natë mund të shtoni dhe diçka më të veçantë, duke vendosur emrin në pjatën përkatëse dhe këtë mund ta bëni duke i qëndruar besnik temës “akull”.
Zbukurime prej qelqi
Zbukurimet e qelqit i japin një pamje tjetër tavolinës dhe e bëjnë të duket më klas. Brenda këtyre zbukurimeve mund të vendosni një qiri ose një bimë, për ta thyer pak me ngjyrën jeshile.
Pjata të shtrenjta
Nëse harxhoni në blerjen e pjatave të shtrenjta, atëherë nuk keni nevojë për shumë zbukurime pasi ato i japin një pamje krejt ndryshe tavolinës.
Zbukurimet e karrigeve
Nuk është e nevojshme që të zbukuroni patjetër tavolinën këtë natë, pasi dhe zbukurimet në karrige mjaftojnë për të krijuar një atmosferë. Mund të varni disa zbukurime ose thjesht t’i mbuloni ato me disa copa të bukura dhe të ngrohta.
E zezë dhe gri
Për një tjetër dekor unik kemi ngjyrën e zezë dhe ngjyrën gri. Duke i kombinuar bashkë dhe duke shtruar disa detaje si qirinj apo zbukurime të vogla për të thyer ngjyrat, mund të merrni një pamje shumë klas dhe festive në të njëjtën kohë.
Shishet e verës
Nëse keni në shtëpi disa shishe vere bosh, mos i hidhni pasi mund t’i përdoni ato si zbukurime. Lidhini me një fjongo dhe vendosni një qiri në grykën e shishes dhe shihni ndryshimin që do i sjellin ato tavolinës tuaj. Për këtë nuk është e nevojshme as të harxhoni para.
