Shpesh herë dëgjojmë që fëmijët e kësaj gjenerate janë shumë të vështirë për t’u disiplinuar. Megjithatë nëse mendoni se ju keni qenë ndryshe në moshën e tyre, pyesni prindërit tuaj më mirë. Të mësosh fëmijët se si të sillen nuk është shumë e vështirë në fakt, pasi ju jeni personi i cili ato shohin më shumë dhe influencohen nga ju. Ja si duhet të veproni:
- Qëndroni i qetë dhe mos reagoni keq
Pas një dite të ngarkuar dhe të stresuar, është normale të acaroheni akoma më shumë kur fëmijët tuaj nuk sillen mirë. Megjithatë të shfryni inatin tek ato nuk është zgjidhja e duhur. Për të treguar se jeni një person i rritur, bëni disa hapa mbrapa dhe merrni frymë thellë. Bisedoni me to në vend që t’i bërtisni dhe nëse është e nevojshme largohuni nga dhoma deri sa të qetësohen.
- Vendoseni veten në vendin e tyre
Sigurisht ka një arsye pse fëmijët tuaj po sillen keq. Mund të ndikojë stresi ose rrethana të tjera. Prandaj është e rëndësishme të uleni me fëmijën tuaj dhe të kuptoni arsyet pse po vepron në atë mënyrë.
- Diskutoni pritshmëritë tuaja me to
Kur fëmijët janë të acaruar apo të nervozuar, ndoshta afrimiteti juaj është gjëja e fundit për të cilën kanë nevojë. Bisedoni me to, kuptoni arsyet e tyre dhe mundohuni ti shpjegoni se pse sjellja që po bëjnë është e gabuar.
- Vendosni limite dhe paralajmërojeni për pasojat
Shpesh herë fëmijët sillen keq sepse nuk dinë kur të ndalojnë. Vendosni disa rregulla, por sigurohuni që t’i ndiqni dhe ju vetë. Gjithashtu është e rëndësishme t’i jepni “çmime” kur sillen mirë dhe t’i paralajmëroni për pasojat nëse sillen keq.
- Impono respektin
Të gjithë e dimë që respekti nuk mund të imponohet, por me fëmijët çështja ndryshon. Megjithatë nuk mund të thuash gjithmonë: “unë jam nëna/babai yt, prandaj duhet të më respektosh”, sepse nuk do e bëjnë. Duke ndjekur metodën e dhuratave sa herë sillen mirë dhe e paralajmërimit të pasojave kur sillen keq, fëmija do krijojë besim tek ju dhe do ju shohë ndryshe./revistawho.com
