Ëmbëlsira nuk duhet të mungojë në natën magjike të Vitit të Ri. Pavarësisht se ne kemi traditat tona që i ndjekim me përpikmëri, nuk do ishte keq të shtonim diçka nga ëmbëlsirat italiane këtë vit. Në listën më poshtë do të shihni disa nga ëmbëlsirat më të njohura jo vetëm në Itali, por në gjithë botën.
1. Panettone
Ëmbëlsira tipike që përdoret nga Italianët dhe nga e gjithë bota gjatë Krishtlindjeve dhe Vitit të Ri.Është një kombinim perfekt frutash, por sigurisht mund të përgatitet dhe me shije të tjera, si përshembull çokollatë.
2. Pandoro
Këtë vit do ju kthejmë në një yll. Pandoro është një ëmbëlsirë shumë e mirë dhe ka formën e një ylli me 8 cepa. Ndryshe quhet dhe si “Buka e Artë” më së shumti nga përbërësit e saj. Mund të shërbehet me çfarë shije të dëshironi.
3. Panforte
Për Krishtlindje, ëmbëlsira panforte është ajo më e zakonshmja. Përmban një kombinim të frutave dhe bajameve. Gjithashtu ka 2 lloje bazuar në shijen e saj: Panforte nero dhe Panforte Margherita.
4. Tordilli
Një nga ëmbëlsirat e preferuara për Krishtlindje dhe Vitin e Ri, e cila ka në përbërje pak alkool duke e bërë shijen e kësaj ëmbëlsire akoma më të mirë.
5. Struffoli
I keni parasysh zbukurimet e pemës së Vitit të Ri? Kjo ëmbëlsirë duket fiks si ato dhe madje është shumë e thjeshtë për t’u përgatitur.Mjafton të bëni brumin në formë topi, ta fusni në një tepsi me vaj dhe të prisni të kthehet në ngjyrë kafe. Më pas hidhini zbukurimet e vogla sipër.
6. Caggionetti
Kujdes! Mos ngatërroni këtë ëmbëlsirë me Ravioli, pasi forma e tyre është e njëjtë. Mbushja mund të bëhet me çfarë shije ju dëshironi, ndoshta mjalt ose çokollatë.
7. Torrone
Nuk ka ëmbëlsirë më të mirë për t’u shijuar gjatë sezonit të dimrit dhe sidomos gjatë dhjetorit, sesa Torrone. Është e njohur nga e gjithë bota dhe përdoret shumë në periudhën e festave të fundvitit, por receta italiane është pak më ndryshe. Përgatitet me mjalt, sheqer,vezë dhe bajame ose fruta të tjera të thata./revistawho.com
