Zbukurimet e Vitit të Ri janë shumë të rëndësishme për të plotësuar atmosferën e këtyre festave dhe për ta bërë shtëpinë tuaj të duket sa më e ngrohtë. Çdo gjë ka një kuptim dhe arsye se përse përdoret, kështu që kemi sjellë një listë të shkurtër me disa fakte që ndoshta nuk i dinit për disa nga ngjyrat më të preferuara për këto festa.
Ngjyra jeshile
Ngjyra jeshile është e pranishme te disa lule që përdoren për zbukurim pranë pemës së Vitit të Ri. Këto lule janë përdorur që para shumë vitesh, pasi i vendosnin në çdo ndërtesë për të treguar që dimri i gjatë dhe i ftohtë do mbarojë një ditë dhe pranvera do kthehej sërish. Romakët i përdornin bimët në ngjyrë jeshile për fat të mirë.
Ngjyra e kuqe
Fillimet e para të përdorimit të ngjyrës së kuqe datojnë që nga vendosja e mollëve të kuqe në atë që quhej “Pema e parajsës” dhe përfaqësonin rënien e Adamit. Gojëdhënat tregojnë se e kuqja gjithashtu përfaqëson gjakun e Krishtit kur u kryqëzua.
Ngjyra e arit
Ngjyra e arit përfaqëson diellin dhe dritën – të dyja shumë të rëndësishme për periudhën e dimrit. Ngjyra e kuqe dhe e artë bashkë janë ngjyrat e zjarrit, pra nënkuptojnë ngrohtësinë.
Ngjyra e bardhë
Ashtu siç dihet nga të gjithë ngjyra e bardhë do të thotë pastërti dhe pafajsi. Gjithashtu përfaqëson dëborën gjatë periudhës së dimrit. Të gjithë e përdorim si dekorim në zbukurimet e festave të fundvitit.
