Nëse jeni një person që ju pëlqen të udhëtoni, para se të niseni drejt një vendi të caktuar duhet të merrni informacion mbi gjithçka, sidomos se si funksionon gjuha e trupit pasi mund ta fusni veten në probleme të mëdha.
– Tundja e kokës do të thotë aprovim apo konfirmim , por në disa vende si Bullgaria apo Greqia ky veprim përkthehet në ‘Po’ ose ‘Jo’. Lëvizja e kokës nga lartë-poshtë do të thotë ‘Jo’.
– Në vendet e Perëndimit kontakti sy më sy është shumë i zakonshëm sidomos në Spanjë, Greqi apo në vendet Arabike. Por në Japoni kjo është shumë e sikletshme dhe populli japonez bënë kontakt sy më sy vetëm në fillim të bisedës, duke e evituar më pas.
– Në Portugali të prekësh veshin tregon për ushqimet e shijshme, por në Itali ky veprim ka të bëjë me diçka seksuale. Në Spanjë tregon kur dikush nuk do paguaj për pijet e tij.
– Të shfrysh hundët me një farcoletë në publik në vendet e Perëndimit është diçka e zakontë, por në Japoni kjo është e ndaluar. Në Angli të prekësh hundën do të thotë “diçka private” ose “sekret” , ndersa në Itali përkthehet “Ki kujdes”.
– Në disa kultura Filipine, Puerto-rican ose Latino-Amerikane, në vend që të tregojnë dicka me gisht, përdorin buzët. Në disa vende Perëndimore njerëzit puthen kur takohen ose kur ndahen, ndersa në Japoni puthja konsiderohet shumë intime për tu bërë në publik.
– Në Itali ose në Shtetet e Bashkuara mund të lëvizësh duart shumë lirshëm, ndërsa në vendet që gjenden në pjesën veriore të Europës tregon jo-sinqeritet dhe dramatizim të situatave. Në Japoni ky gjest tregon një sjellje jo shumë të këndshme.
– Përshëndetja tipike amerikane mund të merret si ‘Jo’ në vendet latine apo në shumë vende të Europës. Përshëndetja tipike Italiane mund të interpretohet si “eja këtu” nga amerikanët , ndersa gjesti “eja këtu” i amerikanëve merret si një insult në shumicën e vendeve të Azisë. Në Malazi është tabu të përdoret gishti tregues, por mund të përdorni gishtin e madh të dorës. Shenja e gishtit të madh lartë, që në Shqipëri përkthehet si “në rregull” gjithashtu përdoret në shumë vende të tjera, pavarësisht se në vendet Islamike është një shenjë seksuale ashtu si në Sardinia dhe Greqi. Në Francë tregon numrin #1.
– Ti mbash këmbët në mënyrë të kryqëzuar mund të jetë në rregull në disa vende të Amerikës Veriore apo në disa vende të Europës, por është mungesë respekti ti tregosh pjesën e poshtme të këpucëve dikujt në Azi ose në Lindje të Mesme. /revistawho.com
