Viti 2018 ka sjellë shumë trende të inspiruara nga vitet ’90. Për këtë vit të ri, jemi gati për gjëra të reja, më inspiruese dhe akoma më shumë interesante. Në listën më poshtë do të shihni trendet që duhet t’i themi mirupafshim dhe t’i lëmë në vitin 2018.
1. Syzet e vogla
Syzet e vogla janë një trend që jo të gjithë mund ta ndjekin, pasi jo të gjithëve i shkojnë. Pavarësisht se gjithçka nisi nga Gigi Hadid dhe Bella Hadid, jemi gati që ta lëmë pas. Në vend të këtyre syzeve, provoni ato me mbulim të plotë.
2. Atletet e mëdha
Këto atlete nuk duken estetike në këmbë dhe nuk janë aspak të bukura.
3. Tualeti “Kardashian”
Për heqjen e këtij trendi duhet të falenderojmë dukeshën Meghan Markle, që solli trendin e tualetit shumë të lehtë. Tualeti i saj minimal në ditën e dasmën na inspiroi të provonim dhe ne diçka të tillë dhe duhet ta pranojmë, lëkura jonë nuk ka qenë kurrë më e lumtur!
4. Onde të çrregullta
Jemi të lumtura që ky trend ka zëvëndësuar ato ondet e theksuara, por të themi të vërtetën gjatë një mbrëmjeje ose eventi asnjë nuk do që të duket shumë “thjeshtë”.
5. BITMOJI
Këto kukulla të personalizuara janë shumë të vjetra tashmë. Të gjithë janë duke përdorur Animojis (kukulla të personalizuar, nga Apple) të cilat mund të duken fiks si ju. Duke qenë se përdoren dhe për të çuar një mesazh zanor, të gjithë janë fiksuar pas tyre. /revistawho.com
