Olsi dhe Fjorentina njoftuan fundit e lidhjes së tyre pak ditë më parë. Një nga çiftet më të pëlqyer të edicionit të fundit të “Big Brother” u ndanë por pa shpjeguar arsyet. Nga ç’ka shihet në rrjetet sociale, ajo që po e kalon më vështirë këtë situatë është pikërisht Fjorentina. Prej ditësh biondja publikon fraza e mesazhe lidhur me ndarjen. Ndërsa Olsi nga ana tjetër ndan vetëm momente argëtimi me shoqërinë e me familjen. Por në të vërtetë gjërat mund të jenë krejt ndryshe. Pak më parë Fjorentina publikoi një mesazh dashurie, të cilin tha se i pëlqente shumë ta lexonte. “Zemra rreh për ty edhe pse nuk të kam pranë. Do të dua gjithmonë edhe pse jemi të ndarë. Dashuria ime të përket vetëm ty. Më jep një sinjal që do jemi prapë bashkë të dy”. Mos është vallë kjo një lutje nga Olsi për ish-të dashurën?! Kush t’i ketë krijuar këto vargje? Kushdo qoftë ai që i ka shkruar, veç të tjerash ka dhe pak probleme me drejtëshkrimin e shqipes. Gjithsesi mbetet për t’u parë./ revistawho.com
