Elita Rudi dhe Gjiko u bënë prindër për herë të parë një muaj më parë me një djalë, të cilin e quajtën Zëri. Që prej atij momenti, dyshja ka ndarë herë pas here emocionet që kanë ndjerë nga ky ndryshim i madh në jetën e tyre.
Ditën e sotme djali i tyre bën 1 muaj dhe në këtë ditë moderatorja ka zgjedhur të publikojë në ‘Instagram’ një foto ku ka zbuluar për herë të parë pamjen e plotë të Zërit, në të cilën vogëlushi shfaqet duke buzëqeshur.
Bashkangjitur me foton Elita ka shkruar: “ Buzëqeshja jote është lumturia ime. Të do mami. Ushqimi i shpirtit”, duke ndarë me të gjithë momentet e veçanta krah të birit.
Kujtojmë se çifti i njohur vendosën të kurorëzonin dashurinë e tyre në martesë disa muaj më parë në një dasme gjigande me të ftuar nga e gjithë estrada shqiptare. Pak kohë më vonë dyshja e pranoi se ishin duke pritur fëmijën e tyre të parë./revistawho.com
