Ethet e garës presidenciale në SHBA duket se kanë kapur edhe artistët shqiptarë. Këngëtarja e njohur Greta Koçi, e cila ka qenë nënkryetare e FRPD, kandidoi për postin e kryetares dhe i braktisi zgjedhjet në mes, sigurisht që ia lejon vetes të flasë për zgjedhjet e nesërme. Ajo është një mbështetëse e flaktë e Hillary Clinton, e cila sipas saj do i japi një diemension human politikës. “Si femër dhe person që e njeh politikën edhe nga brenda sistemit, shpresoj që zgjedhjet në SHBA t’i fitojë Hilary Klinton. Jo vetëm sepse ka dhënë shumë për stabilitetin politik në botë, në funksionin që ka mbajtur, jo vetëm sepse ka demostruar se është e aftë ta mbajë me sukses barrën presidenciale në Amerikë, por edhe sepse si një nga liderët më të fuqishme në botë, do mund t’i japë politikës globale një dimension më human njerëzor. Askush më shumë se sa një femër, një bashkëshorte, një nënë, në këtë botën tonë të mbushur me 1001 probleme, nuk mund ta kryejë më mirë këtë mision!”-shkruan Greta.
