E ftuar në “Live From Tirana” me Ronaldo Sharkën, ka qenë Zhaklin Lekatari. Ish-opinionistja ka shprehur hapur përkrahjen për banorin e BBVA 4, Gjestin. E pyetur nga Ronaldo Sharka se si e mbështet një personazh që ka larguar nga shtëpia disa banorë, ajo ka qenë e qartë duke theksuar se nxori grupin e bullizuesve.
“Gjesti nxori grupin e bullizuesve po ta mendosh. I gjithë ai grupi i atyre burrave që qëndronin të gjithë së bashku edhe që qeshnin me Bernardin apo bënin batuta me sfond seksual kundrejt Amberit ndonëse ajo nuk i mendonte si të rënda këto batuta të rrugës apo ngacmimet e tjera që janë bërë”, u shpreh ajo.
Në pyetjen nëse e sheh si fitues, ish-opinionistja tha se atë nuk e vendos ajo por publiku.
“Mua kështu më duket sikur në të vërtetë ai nxori grupin e bullizuesve. Nuk e vendosi unë nëse fiton, e vendos publiku. Unë mendoj që mund të jetë”, shtoi Lekatari.
