Për të gjithë adhuruesit e ‘Nutella-s’, ky mund të jetë lajmi më i keq që kanë për të dëgjuar. Sipas deklaratave të fundit nga drejtuesit e kësaj kompanie, është vendosur të ndërpritet prodhimi i saj përkohësisht.
Ky vendim ka ardhur pasi produktet gjysmë të gatshme që shërbejnë për prodhimin e ‘Nutella-s’ dhe ‘Kinder Bueno-s’, nuk kaluan me sukses testet e cilësisë.
“Për momentin mund të themi vetëm që asnjë produkt që është hedhur në treg, nuk ka probleme me cilësinë”, ka shpjeguar zyra e shtypit e kompanisë “Ferrero”.
Fabrika e Villers-Ecalles pranë Rouen në Francë prodhon 600 mijë kavanozë ‘Nutella’ në ditë, sasi e barabartë me një të katërtën e prodhimit botëror të kësaj kompanie. Në vitin 2017 “Ferrero” investoi 40 milionë euro për të zgjeruar fabrikën, ku sot punojnë rreth 900 persona./revistawho.com
