Rreth dy ditë më parë ne u prezantuam me Rezarta Hoxhajn, të vetmen vajzë të reapartit RENEA. E ftuar në studion e Blendi Feviziut, Hoxhaj tregoi për vështirësitë por edhe privilegjet që kishte duke punuar mes meshkujve si dhe për jetën e vajzave të Policisë së Shtetit. Por sot Rezarta po kalon një ditë të vështirë, pasi ka humbur kolegen vetëm 26 vjeçe. Siç ju njoftuam edhe më herët, e reja Xhulia Zyfi që aspironte të bëhet oficere në radhët e Policisë së Shtetit, tre javë më parë pësoi hemorragji cerebrale në Akademinë e Sigurisë ku studionte.
Ajo ndërroi jetë këtë të premte në spital ku edhe ishte shtruar prej 5 ditësh, në gjendje kome. 26-vjecarja nga Pogradeci, kishte marrë gradën nënkomisare gjatë studimeve në Akademinë e Sigurisë dhe së fundmi ishte emëruar në detyrën e saj të re. Sakaq mediat njoftuan se e reja kishte lindur me një problem në zemër, dhe një vit më parë kishte bërë ndërhyrje.
Sigurisht që mesazhet e ngushëllimit për të janë të shumta, e në mesin e tyre hasëm edhe atë të Rezartës. “Xhulia kthehu… U prehsh në paqe… Nuk kam më fjalë”, shënoi pak më parë oficerja e RENEA-s Hoxhaj, krahas lajmit për humbjen e koleges. Ngushëllime!/ revistawho.com
